ESTREA DO CTM GAM EN COMPETICIÓN

Imos facer un repaso da actualidade do CTM GAM antes do parón da vendimia (partido, por certo, ó que non se pode un non presentar).

O pasado domingo 2 de setembro tivo lugar a estrea oficial do CTM GAM en competición, concretamente no IX Trofeo Internacional Concello de Oroso. As tres valentes que deron o paso para perder a virxinidade nestes lances, foron Bea, Maribel e Mónica, acompañadas polo "míster". O resultado, o de menos. O realmente importante foi dar ese primeiro paso, que esperemos sexa o primeiro de moitos.

Despois dos nervios iniciais, pronto se fixeron coas rendas do asunto, e aínda que o destino deparou un enfrontamento "fraticida" entre compañeiras, ó final todas acabaron disfrutando do envento.

As cariñas son como as nenas no primeiro día de cole!!

Bravo chavalas!!!