Un ano máis e xa temos aquí outra edición da Carreira Popular de Meaño e un ano máis o GAM estará orgulloso da nosa filla (que é o que a carreira é para nós, unha filla que parimos e que se emancipou hai xa dez anos).
Moitas cousas cambiaron desde o ano pasado no Concello, actual organizador; caras novas, xeitos novos... pero alégranos ver que coa firme intención de seguir apostando por este evento, o que nos fai sentir alegres pola continuidade e, en certo modo, tamén aliviados.
A diferencia para o GAM con respecto ó ano pasado é que agora recuperamos o funcionamento ordinario da asociación. Que quere dicir esto, que tal e como se falou na última reunión, ábrese a posibilidade de botar unha man en caso necesario de cara ó voluntariado da carreira. Porque, e nós sabémolo perfectamente, aínda que haxa unha organización (agora o Concello, antes o GAM), a carreira non se fai se esos cerca de 40 voluntarios que botan unha man de xeito desinteresado o día da proba. Esos voluntarios son os que fan que Meaño sempre teña un punto máis, dito polos propios corredores. E é por eso que, chegado o caso, botaremos unha man, porque o GAM traballa por e para Meaño, independentemente das cores políticas, dos problemas persoais... porque amamos Meaño, de todo corazón, e sempre estaremos ahí.
E dicimos esto ben alto para todos aqueles que falan desde o anonimato, o mellor aliado da cobardía, poñendo en tela de xuizo o bo facer e independencia desta asociación. A todos esos esperámolos o domingo na carreira para que nos demostren si eles aman Meaño tanto coma nos.
Retomando o tema, o pasado 21 de agosto tivo a presentación da XXXV edición da Carreira Popular de Meaño que, unha vez máis, tivo lugar no incomparable marco da
Quinta de San Amaro.
Ó acto asistiron o alcalde de Meaño, Carlos Vieitez, que se estreaba no evento; a atleta cabeza de cartel, Edymar Brea, que amadriñou a presentación; Eladio Riveiro, representate de
Paco& Lola, adega que porá o peso en albariño dos gañadores da proba;
Mar Barral, ceramista arousana, amiga desta asociación, que deseña os trofeos, que este ano volveu á técnica do rakú; e como anfitrión, Nacho Crespo en representación da Quinta de San Amaro.
Acto sinxelo no que o alacalde tivo palabras de agradecemento para o GAM, e que como non pode ser doutro xeito son ben recibidas. Edymar Brea amosábase contenta por ser por primeira vez imaxe de cartel dunha carreira. E Mar Barral recordou o comezo da súa relación coa carreira de mans do GAM, hai xa unha chea de anos. Gracias Mar!!.
O domingo 8 de setembro, a nósa filla seguirá facendo historia.
Este vindeiro sábado 31 de agosto terá lugar o terceiro e derradeiro roteiro da temporada de verán. Nesta ocasión cun novo horario: en vez de almorzo, o que vos propoñemos é unha merenda.
