Marcha de sendeirismo Meaño-Castrove-Meaño 2012

Primeira marcha, xuño de 2008

No ano 2012 (supostamente último do mundo) acada a súa 5ª edición a Marcha de Sendeirismo Meaño-Castrove-Meaño. Nembargante, a climatoloxía esta vez xogounos una mala pasada, estragando todos e cada un dos fins de semana previstos para o evento, e obrigando ó seu sucesivo aprazamento, ata que o excesivo internamento no verán, trouxo outros inconvintes para a súa consecución.

Pero esto non supón en absoluto unha anulación defintiva do evento, senón un aprazamento ata mellor data. Así pois, a intención é a de facer outro intento tra-la vendima, aló por outubro. Nesas datas os días aínda son o suficientemente longos, e o tempo aínda non é invernal (se non cadra, claro está).

Así pois, estade atentos ó novo chamamento que vos faremos en vindeiras datas para realizar, unha vez máis, esta marabillosa experiencia.

¡Benvidos ó Blog do GAM!

¡Benvidos ó blog da Asociación Cultural e Deportiva GAM!

 Como non podía ser doutro xeito, a tan manida crise económica tamén tivo as súas consecuencias no GAM. E é que o servidor da nosa antiga páxina web (www.asociaciongam.org) tiña un custe excesivamente elevado. Por elo, decidimos botar man das ferramentas "gratuítas" que existen na actualidade, como é o caso de Blogger, creando unha nova páxina máis dinámica e comunicativa, pensada para as poucas actividades que desenvolvemos na actualidade.

Choveu moito desde que no ano 1989 se creara o GAM, e son moitos os cambios que sofreu o mundo desde entón. Pero aquí seguimos, nunha nova etapa que, esperamos, sexa tan ilusionante como a pasada.