PREMIOS CON MOITO DEPORTE :

CORRER POR MEAÑO & TENIS DE MEAÑO

Agotado o prazo, entregáronse os premios de CORRER POR MEAÑO aos galardoados. Unha iniciativa da Asociación Cultural e Deportiva G.A.M. que tirou de imaxinación para manter vivo o espíritu da Carreira Popular de Meaño no ano do covid.  A vivencia foi posible gracias á colaboración das firmas Paco&Lola, Quinta de San Amaro e Supermercado Atlántico-Lage. Delas, o peche de hostalería pola situación covid, aprazou a disfrute de bono-tapas na Quinta de San Amaro para Lupe Vilar e Estefanía Silva (e respectivos acompañantes). A establecemento xa contactou coAs galardoadas para comunicarlles que poderán disfrutar desde convite un chisco máis adiante, cando recuperemos certa normalidade. Aquí vos deixamos as fotos de entrega de galardóns e o noso consello para este nadal: merca o teu agasallo navideño no comercio local. Paco&Lola, Quinta de San Amaro e Supermercado Lage son tres emblemas que nos enorgullecen en ser escaparate e embaixadores de Meaño. (NOTA: Publicarase máis adiante as fotos dos premios da Quinta de San Amaro).

Cristina Castro e Alfonso García "Achas" recollen o premio e Paco&Lola

Visita e degustación en adega
dun Paco&Lola

Olivia Rodríguez Moreda recolle
o lote infantil no
Supermercado Atlántico-Lage

Cecilia Abal Mosteiro
recolle o seu lote infantil
 en Supermercado
Atlántico-Lage

E tamén no marco de agasallos o CTM GAM sorteou un fin de semana nun balneario, galardón co que a Asociación G.A.M. se fixera gañando o concurso do programa Bamboleo da TVG. E para obter uns ingresos para a sección do Clube de Tenis de Mesa procedeuse ao sorteo, entega da que acompañamos foto. Se estás interesado en achegarte e probar este deporte, non dubides en pasarte polo pavillón de As Covas-Meaño, os lunes e mércores entre 19 e 21 horas. Sexas de onde sexas. Alí informarante. Sen compromisos. Un deporte con un equipo de xente que te vai enganchar! Próbao!

María Estévez recolle o premio na libraría-café "O Principiño" en Meaño

NOTA ACLARATORIA

Este pasado sábado 21 de novembro veu de celebrarse unha concentración na Praza da Feira, organizada polo grupo de goberno do Concello de Meaño, para protestar pola recente perda do pediatra no centro de atención primaria de Dena.

Ante todo, manifestar e recalcar a solidariedade desta asociación coa sociedade meañesa pola perda do pediatra e amosamos o noso apoio á esixencia de que este posto sexa restituido o antes posible.

Agora ben. 

A Asociación Cultural e Deportiva G.A.M. (e concretamente o seu presidente) rexeitou a última hora do venres 20 de novembro participar na citada concentración (que según se nos informou estaba limitada a 20 personas), xa que se nos indicou que na mesma se ía ler un manifesto e, despois de solicitar copia do mesmo, non se nos facilitou. Como non pode ser doutro xeito, e por moito que estemos de acordo co fondo do asunto, non podemos adherirnos a un texto que descoñecemos. Coñecemento que entendemos esencial en pro da transparencia, para pronuciarnos como colectivo sobre o parecer, e a fin de evitar a utilización política dunha asociación cultural e deportiva como é a nosa.

Por outra banda, tivemos coñecemento de que non todas as asociacións foron chamadas (e o límite de aforo non é excusa para elo), o que xa de por si cuestiona a suposta neutralidade e sinceridade do acto e o invalida, dende logo se o pretendido era amosar a unión e apoio do tecido asociacional deste concello.

Desde aquí a nosa solidariedade con aqueles colectivos que non foron chamados e que, cónstanos, están tanto ou máis interesados en que se restitúa o pediatra.

Esperamos e desexamos que en futuras ocasións, e dunha vez por todas, o Concello conte con "todas" as asociacións, con sinceridade, con humildade e sen segundas intencións. 

Posición ésta que facemos pública a través deste medio.

(III) CORRENDO (xa) POR MEAÑO... edición Ad Libitum

Finalizado o prazo para enviarnos as vosas fotos (o pasado 16 de setembro), actualizamos cos derradeiros valentes participantes nesta iniciativa, inusual edición da Carreira Popular de Meaño.

Agradecémosvos a todos e cada un dos que nos enviáchedes fotos, e tamén ós que corréchedes sen enviala, que coa vosa participación axudarades a manter viva a Carreira de Meaño.

A Covid-19 non é senón unha escusa para deixar de facer, deixar de imaxinar, deixar de vivir; e nós, como Asociación, como sociedade, non o podemos permitir. Somos moito máis fortes que esta enfermidade e moito máis que as institucións que deberían velar por todos e que, escondéndose detrás desta enfermidade, fan unha flagrante deixación do seu deber, desde o Governo central, pasando pola Xunta e terminando nos Concellos.

O dito. Máis de 50 valentes que participáchedes e ós que estamos agradecidos.

Viva a imaxinación!!

Lupe, Rosa e Nesti

Alberto

José Luis

Ramón

Beni, Joel, Carmen e Sandra

Trini e Roque

Elva

Nuria

Claudia, Olivia, Daniela, Raúl e Martina

Pilar e Juan

Xoixe

Ángel

Enrique e Basilio

Richi, Belén e Ceci

Lucas

Juan Manuel

Diego

(II) CORRENDO (xa) POR MEAÑO... edición Ad Libitum

 Actualizamos listado de participantes nesta iniciativa, que a pesares das dificultades, quere rememorar ou, máis ben, manter unha tradición que se ven repitindo cada segundo domingo de setembro dende hai máis de trinta anos. As primeiras carreiras da temporada teñen algo especial, un reencontro outonal coa actividade atlética que moitos afeccionados esperan con ganas. 

Queremos facer mención especial ó Clube Atletismo Cambados, que este domingo xuntou a unha morea de socios para facer o circuíto. Moitas gracias por participar, e sobre todo por ser coidadosos coas medidas de distanciamento. Sodes un expemplo.

Clube Atletismo Cambados na Praza da Feira

Clube Atletismo Cambados na saída

Gracias. Gracias a tod@s @s que mantedes vivo o espírito desta  Carreira.

Con xente coma vós nunca morrerá!!!

Laura Ortigueira Hermida

Claudio Vera Sanmartín

Damián Andrade Padín

Daniel García Cerviño

Jesús Pérez García

José Antonio González Martínez

Maxi Oubiña Falcón

Pepe Martínez

Sandra Martínez Besada

(I) CORRENDO (xa) POR MEAÑO... edición Ad Libitum

Primeiros atrevidos estos días a experimentar "Correr por Meaño", iniciativa que esta asociación ven de poñer en marcha hai pouco máis dunha semana. Recordade que o obxectivo é rememorar unha carreira que este ano, polo que todos sabemos, non pode ser: a XXXVI Carreira Popular de Meaño, que estaba fixada para o 13 de setembro, segundo domingo do mes, que sempre coincide coa festa dos Miragres, patrona do concello.

Animamos desde aquí aos meañeses e outra de fóra, asiduos a esta carreira, a disfrutar un chisco de Meaño, das suas xentes e paisaxes, no corazón da Rías Baixas. E ollo! Este ano a vendima ven adiantada. Non deixes de pasar a oportunidade de correr (ou camiñar) por Meaño. Calquera día, antes de darte un chapuzón na praia da Lanzada, pode ser un día ideal... Ou do contario polas noitiñas, ou mesmo de mañán, para todas aquelas que estades a saír a camiñar a ritmo facer deporte dun xeito saudable. Lembra: Dispós de prazo ata ata o 16 de setembro para participar nesta experiencia. Ou fai plan para os dous fins de semana que aínda quedarán en setembro. Pero coidadiño... Que non te pille a vendima!

Marcos, Aarón e Temi (na Costa dos Fornos)

Mónica, Marcos e Marcos (na Costa dos Fornos)

Tino (en San Amaro)

Andrés e Alfonso "Achas" (na Praza da Feira)

Veña, anímate! Os da casa xa fixómolo traballo. Agora tócache a ti. Rememora tempos pasados facendo o circuíto da carreira. Ponte un reto e trata de acadalo. Entre todos non imos deixar que este virus nos venza. Hai que seguir.... separadadiños uns de outros, pero hai que seguir.

Esperamos as túas fotos!!!

CORRER POR MEAÑO.... ad libitum

"Correr por Meaño" é unha iniciativa que a Asociación Cultural e Deportiva G.A.M. pon en marcha para rememorar a que estaba chamada a ser a XXXVI Carreira Popular de Meaño, e que debía disputarse o vindeiro 13 de setembro. Como en tantos lugares, e tamén en Meaño, a pandemia do Covid-19 deu ao traste coa celebración das carreiras populares. Mesmo o concello, que asume a organización desta proba desde fai unha década (cando o G.A.M. entregou o relevo nas vodas de prata da Carreira Popular), víuse na obriga de ter que suspender a proba.

Pero desde a Asociación G.A.M. tiramos de imaxinación para que esta Popular de Meaño sega viva en ti. Así pois, todo aquel que senta o vínculo cunha tradición de anos, que se mantivo durante 35 edicións ininterrumpidas, e que teña a ilusión de voltar correr en Meaño, se o fai poida compartir a súa experiencia.

CORRER POR MEAÑO é unha iniciativa altruísta, aberta a tod@s, e cun sentido dobre. Por una banda, para que tod@ aquel/a que senta a chamada, poida percorrer o circuíto de sempre, de voltar a correr por Meaño. E, por outra, podendo ser unha ocasión para devolver un chisco do que tanto deu un pobo e a súa xente durante 35 anos para celebrar e acollervos nesta carreira… Agora é o momento de correr (ti) por Meaño. Agardamos que compartas a túa experiencia!

Como participar?
Non é un evento concreto, non ten data nin hora. O que facemos é recoller as vosas experiencias individuais. A partir de xa dispós ata o 16 de setembro, para correr ou andar o percorrido do que era (e seguirá sendo) circuíto da Carreira Popular. Cronometra o teu tempo (opcional), se o tes mándanos ese rexistro co teu nome (cun teléfono ou correo-e de contacto) e unha foto da túa experiencia de participación en CORRER POR MEAÑO (individual ou cos teus amigos). Remíteo ao correo-e asociaciongam@gmail.com. Nós publicaremos nas nosas redes sociais, e as vinculadas á asociación, a foto, nome e tempo empregado por ti (se mandas rexistro), para poder compartilo con tod@s.

Gracias á colaboración das firmas patrocinadoras históricamente desde Carreira, ALBARIÑO PACO e LOLA, QUINTA DE SAN AMARO e SÚPER/CAFÉ-LAGE, a asociación G.A.M. realizará entre todos os atletas e andantes que participedes enviando a vosa experiencia en CORRER POR MEAÑO un sorteo de:

- 2 lotes de albariño PACO e LOLA, con visita guiada á adega para dúas persoas
(maiores de idade)

- 2 bono-tapas en QUINTA DE SAN AMARO (con viño e tres tapas) para dúas persoas
(maiores de idade)

- 2 lotes infantiles SÚPER LAGE-MERCA MÁS para nen@s (e menores de idade)

IMPORTANTE: Para participar no sorteo debes aportar unha foto que refrexe un momento da túa participación nesta iniciativa, nome, idade (para saber se participas en lote de adultos ou infantil), tempo (opcional) e un contacto (telefónico ou por correo-e). Participar no sorteo implica a autorización para publicar foto, nome e tempo dos participantes, nas redes sociais vinculadas a CORRER POR MEAÑO. Remite todo (nome, foto, idade, tempo empregado no circuíto -opcional- e contacto) á dirección de correo-e  asociaciongam@gmail.com

NOTA: Os agasallos sorteados entregaranse a fins se setembro (unha vez pasada a vendima). En boa lóxica, os premiados deberán acredtiar a súa identificación no momento de entrega.

A continuación precisamos os diferentes circuítos nos que podes correr en función das idades para compartir a túa experiencia. Se pinchas enriba do circuíto que dexeses percorrer, terás acceso directo no teu terminal (teléfono, tablet ou ordenador) a través de GoogleMaps ao percorrido correspondente, para poder guiarte se dubidas no percorrido. 

CIRCUÍTO LONGO (6.330 m)

CIRCUÍTO MEDIANO (1.600 m)



CIRCUÍTO CURTO (1.070 m)

Miguel Chan

Somos o GAM. Grupo de Amigos de Meaño. E ese "amigos" é verdadeiramente o corazón do que é este grupo.
Onte deixounos Miguel Chan. Un amigo. E este grupo perde un pouco de si. Xa nada volverá a ser igual. Doen os recordos. Doe pensar que non voltaremos a oir as súas risas, que non voltaremos a rirnos con el.

Desde esta asociación queremos darlle un cálido abrazo á súa familia nestes difíciles intres, agravados pola situación que nos toca vivir.

É difícil escribir, polo que deixo as verbas que Tino Hermida escribeu sobre el no seu Ventanuco.

«Abril amenceu onte sábado gris e treboento no corazón, cunha desas novas que te atravesan como un lóstrego. Miguel Chan deixounos no día que ía ser o do seu aniversario: 51 abriles que esmoreceron no corazón que se lle rompía, como nun aceno de destiño. Lembrarémoste sempre, porque os que te temos coñecido neste tempo, faremos que sigas vivindo un chisco en nós. Fiel á Carreira Popular de Meaño desde fai máis de 25 anos, valor fixo en cada mesa de dorsais no segundo domingo de setembro, e co seu traballo na meta con aquel sistema de rexistro con lector de dorsais a inicios de século, con aquela mítica arenga coñera na Taberna de Cancela, despois de ter dado conta, naquel encontro da asociación GAM, dun capón de corral, e queixo con membrillo aos postres. Era o Chan que acaba de irse.
Os encontros fóronse espaciando coa vida, pero cando te chamabamos cada ano a Milladoiro a fins de agosto, non dabas respiro e espetabas antes do saúdo: “contade conmigo, como todos os anos, a mesma hora, no mesmo sitio”. Como un clavo, desde Milladoiro ou desde o seu Nantes natal á primeira hora da mañán nas festas dos Miragres en Meaño, para botar a man na Carreira, e reencontrarse cun sorrriso cos amigos e compañeiros de sempre. Percorrido tanto camiño, a Carreira de Meaño, sen ti, en parte, nunca voltará a ser a mesma.

Desde a asociación GAM e desde este particular Ventanuco, a nosa lembranza para ti, para Genma (cando os dous ata compartíchedes Carreira de Meaño), e para todos os teus. Os seres queridos nunca vos ides de todo. No fondo, quedas deixando unha muesca nos corazóns tocados para sempre co teu sorriso ausente.»

VINDEIROS EVENTOS

Esta que ven vai ser unha fin de semana intensa para o GAM, xa que teremos actividade en tódolos ámbitos, tanto cultural coma deportivo.

Comezamos o venres coa terceira entrega da temporada, primeira deste ano, da nosa emblemática "Cova do Trasno". Nesta ocasión, e co suxerente título de "Coa música a outra parte", achegarémonos a coñecer unha historia de solidariedade protagonizada por Basilio Camiña Ucha, que nos contará as súas experiencias a traveso do mundo no ámbito da ensinanza coa música coma protagonista.... e moito máis, todo elo froito da súa colaboración con diferentes ONG.

Podedes ler unha pequena escolma da súa historia no blog Polo Ventanuco.

A hora de comezo será ás 20:45 h, coma sempre no Pazo de Lis, e a duración será dunha hora.

E ó día seguinte, sábado 8 de febreiro, os nosos equipos de Tenis de Mesa (CTM GAM Femininio e CTM GAM Masculino) xogarán a 12ª xornada da 2ª división galega (grupo centro).

Ámbos partidos comezarán ás 17:00, celebrándose no Pavillón de Deportes de As Covas.

Os enfrontamentos serán:
 -CTM Gam Femininio  vs  CDTM Top Spin Pazo Xerlís.
 -CTM Gam Masculino  vs  Vilagarcía Craftium

Esperámosvos para animar ós nosos equipos!!